Скопјанка загина во сообраќајка

Датум: 06.07.2009, 17:34
Скопјанката Кристина Костова (32) загина вчера на автопатот Скопје - Гевгелија кога со својот автомобил излетала од коловозот и удрила во друг автомобил, соопшти МВР. Сообраќајната несреќа се случила околу 11.30 часот пред клучката во селото Прдејци. Костова со автомобил „ситроен Ц3“ се движела кон Скопје, кога од засега непознати причини изгубила контрола над возилото. „Ситроенот“ прво излетал на десната страна, а потоа се вратил на патот и удрил во металната банкнина меѓу двете коловозни летни. Автомобилот ја прелетал оградата и удрил во автомобил „ауди“ управувано од турски државјанин. Костова починала на самото место, а тројцата турски државјани, меѓу кои и едно дете, се пренесени на лекување во болницата во Гевгелија.
(Р.Т.)

http://www.dnevnik.com.mk/?ItemID=90DB103EB02EE640A76683174BAB5D6D